Богати се со низа здрави хранливи материи, па затоа се препорачува нивна редовна консумација. Кикиритките се полни со масти и важат за добар извор на протеини, а во себе содржат и големо количество на есенцијални витамини, минерали и растителни соединенија. Сепак, поради високиот процент на масти и калории што го содржат не треба да претерувате со нив.
Меѓу низата придобивки за здравјето најбитно е тоа што го одржуваат здраво срцето, и тоа благодарение на високите нивоа на мононезаситени и полинезаситени масти кои ги содржат во себе.
Особено, олеинската киселина која игра битна улога во намалувањето на лошиот холестерол (LDL) и зголемувањето добриот холестерол (HDL) во крвта. Заради ова, односно со зголемувањето на здравите липиди во крвта, кикиритките се во можност да спречат мозочен удар и коронарна болест.
