Според студијата спроведена на Универзитетот Лома Линда, луѓето кои биле на диета со помалку калории, а повеќе масти (40 проценти од сите калории доаѓале од мастите), кои главно биле од ореви, во рок од 24 недели изгубиле значително повеќе масни наслаги од оние кои консумирале еднаква количина на калории, но со повисок процент на јаглени хидрати и помал процент на маснотии.
Оваа здрава закуска содржи многу повеќе витамин Е отколку другите јаткасти плодови. Освен што го штити нашето срце и крвните садови, овој витамин е еднакво добар за плодност. Посебноста на оревот е во тоа што содржи најчест облик на витамин Е (алфа-токоферол), но, исто така, и гама-токоферол кој се врзува со многу поволно дејство за срцето.
Ако вашата меморија повеќе не е како порано, вклучете ги оревите во секојдневното мени
Само 45 грама ореви дневно, околу 15 големи половинки, можат да помогнат да се намали оштетувањето на меморијата поврзано со стареењето. Кога ќе го погледнете самиот облик на овој плод, ќе видите дека тој дури и личи на мозокот!
Поради високиот процент на мононезаситени масти, оревите помагаат во намалувањето на холестеролот, а како резултат на тоа го намалуваат ризикот од заболувања на крвотокот.
Исхраната богата со ореви и масло од ореви може да го подготви организмот за подобро справување со стресот, откриле истражувачите од Државниот универзитет во Пенсилванија. Тие, пред се, сакале да откријат како намирниците кои содржат повеќе незаситени масти влијаат на крвниот притисок за време на мирување и за време на стрес.
