Неодамнешна студија укажала на позитивните ефекти на овошјето и зеленчукот со црвена, виолетова и синкава боја врз кардиоваскуларниот систем и превенцијата од кардиоваскуларните заболувања. Станува збор за овошје и зеленчук кое содржи антоцијанини, природни пигменти кои припаѓаат на класата флавоноиди.
Во оваа студија, со анализа на вкупно 19 студии во кои учествувале преку 600 000 испитаници од Европа, Австралија и Соединетите Американски Држави, утврдено е дека личностите чија исхрана е најбогата со антоцијанини имаат за 9 проценти помал ризик од развој на коронарни болести на срцето и за 8 отсто помал ризик од смрт како резултат на срцеви болести во однос на испитаниците чија исхрана е најсиромашна со антоцијанини.
Со антоцијанини најбогата е аронијата, потоа тука се вбројуваат и асаи бобинките, кората од модар патлиџан, дивите боровинки, брусницата, црната и црвената рибизла, малините и црвената зелка.
