Личностите кои јадат и џвакаат бавно, полесно ја одржуваат својата телесна тежина на здраво ниво. Ова го0 докажало и истражувањето во чии рамки научниците во текот на 8 години ја следеле здравствената состојба на групи луѓе за да утврдат дека испитаниците кои јаделе побавно помалку се здебелиле за време на периодот на истражување за разлика од испитаниците кои имале обичај брзо да јадат. Овие резултати не зависеле од индексот на телесна маса, зачестеноста на вежбањето и навиките кога е алкохолот во прашање.
Од друга страна, друга студија, пак, покажала дека личностите кои брзо јадат имаат за 35 отсто поголем ризик за развој на метаболички синдром, т.е. заедно барем три здравствени проблеми како што се хипертензија, зголемено ниво на шеќер во крвта и зголемени триглицериди, ниско ниво на ХДЛ холестерол или таложење сало во пределот на стомакот.
Бавното јадење значи повеќе согорени калории
Друго истражување, пак, укажало на тоа дека личностите кои јадат полека и се убаво изџвакуваат во устата во просек согоруваат 10 калории повеќе на секои 300 калории кои ќе ги внесат. Темелното џвакање го зголемува дотокот на крв во желудникот и цревата и на месечно ниво ни овозможува да согориме дополнителни 2000 калории. На годишно ниво оваа навика теоретски би требало да резултира со губиток на околу 3 кг телесна тежина. Меѓудругото утврдено било и дека личностите кои храната ја џвакаат повеќе од што тоа е вообичаено (отприлика околу 40 пати по залак) подобро можат да проценат колку се сити, односно гладни и благодарение на тоа внесуваат помалку калории за разлика од личностите кои брзо јадат.
