Одамна е познато дека јаткастите плодови поволно влијаат на кардиоваскуларното здравје, имунтетот, памтењето и концентрацијата… Но две нови студии укажале на позитивните ефекти од секојдневното консумирање помали количества (околу 30 г) јаткасти плодови и кикиритки врз метаболизмот.
Во првата студија испитаниците имале обичај една порција црвено месо, месни преработки, помфрит или слатки дневно да ги заменат со порција јаткасти плодови или кикиритки. Оваа навика, имено, на долги патеки би требало да ги намали шансите за вишок килограми и дебелина кај возрасните.
Во другата студија, пак, испитаниците во два наврати (со пауза од 48 часа меѓу) јаделе или 36 г грики (солени переци) или 20 г бразилски ореви (овие ужинки имале иста калориска вредност). Двете ужинки ги заситиле испитаниците, но кај учесницте во истражувањето кои јаделе переци било забележано зголемување на нивото на шеќери и инсулин во крвта, додека овој ефект изостанал кај испитаниците кои јаделе бразилски ореви. Авторите на студијата заради овој факт сметаат дека бразилските ореви би можеле да помогнат во превенцијата од дијабетес и вишок килограми.
