Праските се толку сочно и вкусно овошје, што едноставно бараат да ги загризете. Тие се одличен избор ако настојувате да постигнете или да одржите витка линија, бидејќи содржат малку калории, а имаат и низок гликемиски индекс (43), што значи дека полека ослободуваат енергија и нудат долготрајно чувство на ситост.
Здравствени придобивки од праските
Праските изобилуваат со антиоксиданти, особено со витамините А, Ц и Е, но и со витамините К, Б1, Б2, Б3, Б6 и Б9 (фолна киселина) и минерали како калциум, калиум, магнезиум и фосфор. Освен тоа, праските се добар извор на лутеин и зеаксантин, кои го неутрализираат дејството на слободните радикали и го штитат здравјето на очите. Флавоноидите од праските го намалуваат ризикот од атеросклероза, а влакната што ги содржат се одлични за дигестијата, како и за подобро функционирање и чистење на цревата.
Свежите праски, освен како самостојна намриница, може да ги користите и за збогатување на јогурт и житарки или за подготовка на овошни салати, смуди и сокови, а одлични се и за подготовка на компоти, сладоледи и колачи.
