Личностите кои имаат обичај да јадат доцна навечер чувствуваат вина затоа што според мислењето на стручњаците се работи за лоша навика која не е добра за здравјето. Резултатите од најновата јапонска студија го тврдат спротивното. Универзално е мислењето на многу светски стручњаци дека треба да се одбегнуваат доцните оброци, а во Јапонија дури на сила е јавната препорака луѓето да направат најмалку два часа пауза меѓу последниот оброк и одењето во кревет. Но сега студијата спроведена токму во оваа земја покажала дека тоа не е потребно. Оброкот кој се консумира пред спиење, се мислело дека го зголемува ризикот од развој на болести поврзани со зголемено ниво на глукоза во крвта, како дијабетес и болести на срцето.
Бидејќи досега немало докази, јапонски научници ги анализирале медицинските податоци на 1 573 средовечни личности кои немале здравствени проблеми во врска со нивото на шеќер во крвта. Поделени биле во две групи – на оние кои морале да се држат на двочасовно растојание меѓу последниот оброк и заминувањето в кревет и на оние кои не морале да го прават тоа.
Истражувањето траело три години и покажало дека немало никакви значителни разлики во нивото на глукоза во крвта меѓу двете групи. Резултатите покажале дека другите фактори како телесната тежина, консумирањето никотин, физичката активност имале многу поважна улога во развојот на болести, од консумирањето храна пред спиење.
Само вие јадете си!
„Многу повеќе внимание треба да се посвети на здравата исхрана, доволниот сон, одбегнувањето цигари и алкохол, затоа што токму тие варијабли имале значително влијание на метаболизмот од доцниот вечерен оброк“, заклучиле јапонските научници.
Фокусот е на здравиот пристап на животот – начинот на исхрана и физичката активност.
