На повеќето шафранот им е познат како ценет зачин кој на оризот и на месото им дава специфичен вкус. Но според најновите истражувања од Техеранскиот медицински факултет, шафранот, не само што е вкусен зачин, туку помага при ублажување на симптомите на предменструалниот синдром и депресија.
Неодамна водечкиот истражувач на овој факултет Шахин Ахонџадеш, доктор по медицина, спровел истражување во кое 50. жени со ПМС добивале по 15 грама шафран, и уште толку жени примале плацебо капсули денвно за време меѓу два циклуси.
Лекарот секојдневно ги бележел нивните симптоми, а на крајот истражувањето покажало дека повеќе од три четвртини жени кои земале шафран,симптомите на предменструалниот синдром (како што се промени на расположението и депресија), ги намалиле за 50%, додека во плацебо групата тоа им се случило само на 8% од жените.
Всушнсот, шафранот веќе илјадници години се користи во традиционалната Персиска медицина за подигнување на расположението и тоа обично како додаток во чајот или варен со ориз. Исто така, д-р Ахонџадеш и претходно го истражувал влијанието на шафранот на човековото тело, и дошол до заклучок дека шафранот има сличен ефект како некои антидепресиви. Тој тврди дека шафранот делува на ист начин, односно помага во ослободувањето на серотонинот (хормонот на среќа) во мозокот.
