Низа истражувања покажале дека фитонутриентите кои ги има во сокот од тиквички имаат антиканцерогени својства бидејќи ја спречуваат мутацијата на клетките. Екстрактите од тиквичките ги редуцираат симптомите на бенигна хипертрофија на простатата, а тоа дејство се засилува во комбинација со друг зеленчук. Тие се една од најздравите летни намирници, хранливи се и здрави и едни од ретките кои можете во целост да ги искористите. Одлични се и против воспаленија, парадентоза и астма, а нивните семки ја намалуваат опасноста од мултиплекс склероза.
Здрава е и кората – затоа не ја фрлајте. Таа во себе крие бројни хранливи состојки, исто како и нејзиното месо и семките. Во француската и италијанската кујна се консумираат и цветовите од тиквички, за кои гурманите тврдат дека се повкусни од самите тиквички. Иако во кулинарството се третираат како зеленчук, според ботаниката тие се овошје. И она што е важно за „бројачите на калории“ речиси воопшто не се калорични и одлични се за диети.
Поволно влијаат на човечкиот организам, односно ја одржуваат витката линија, ја подобруваат концентрацијата, ги смируваат нервите, ги зајакнуваат мускулите и срцето. Влијаат врз исфрлањето вода и штетните материи од телото. Иако имаат помалку вода од краставиците, содржат повеќе витамини и минерали – витамин Ц, калиум, калциум, фосфор и селен.
