![jajca](https://panacea.mk/wp-content/uploads/2018/05/jajca-696x554.jpg)
Иако содржат холестерол јајцата би можеле да бидат значајно оружје во борбата против кардиоваскуларните болести – ова е заклучок од неодамнешната студија на кинески и британски научници, кои ја испитувале поврзаноста меѓу консумирањето јајца и кардиоваскуларните болести, срцевиот и мозочниот удар.
Имено, јајцата содржат протеини од висок квалитет, биоактивни соединенија како што се фосфолипиди и каротеноиди, витамини од Б-комплексот, витамин Е, како и бројни минерали (селен, фосфор, цинк, железо, калциум). Во студијата се покажало дека луѓето кои во просек јадат по едно јајце дневно имаат помал ризик од инфаркт за 26 проценти и намален ризик од смрт како резултат на кардиоваскуларни болести за 18 проценти.
Во споменатото истражување улествувале преку 400 000 луѓе кои немале карцином, кардиоваскуларни заболувања, ниту дијабетес. Нивното здравје потоа било следено во просек во 8,9 години, во текот на кои дошло до 83 977 случаи на кардиоваскуларни болести и 5 103 на кардиоваскуларни случувања. Исто така, документирани се 9 985 смртни случаи.
На почетокот на студијата 13,1 % од учесчниците изјавиле дека јадат јајца скоро секој ден (во просек 0,76 јајца на ден), а 9,1 % рекле дека мошне ретко јадат јајца (околу 0,29 јајца на ден). Се покажало дека луѓето кои речиси секој ден јадат јајца имаат севкупно помал ризик од кардиоваскуларни болести во однос на другите луѓе кои речиси и да не јадат јајца. Оваа навика го намалува ризикот од хеморагиски мозочен удар за 26 % и ризикот од смрт како резултат на овој кардиоваскуларен настан за 28 %, додека го намалува и ризикот од смрт од кардиоваскуларни болести за 18 %.