Знаеме дека појадокот е најважниот оброк во денот, но понекогаш наутро, додека сѐ уште сме поспани тешко ни е да избереме што сакаме да појадуваме. Изборот е уште потежок кога сакаме да консумираме здрава храна, а не сме сигурни дали правиме добар избор или не.
Тим експерти од Лос Анџелес спроведе студија во која учествуваа 20 учесници со прекумерна телесна тежина. Тие беа поделени на две групи, една група појадуваше јајца, а втората житарки. Двата вида на храна содржат протеини и се одличен избор за појадок.
Сепак, научниците откриле дека јајцата се подобар избор, бидејќи го задржуваат чувството на ситост многу подолго отколку житарките. На почетокот и на крајот на истражувањето научниците го мереле нивото на грелинот, хормон кој поттикнува глад и лептинот, хормон кој поттикнува ситост.
Научниците откриле дека лицата кои појадувале јајца, имаат пониско ниво на грелин, а повисоко на лептин во подоцнежните периоди од денот, што значи дека во текот на денот консумираат помала количина на храна, обратно од групата која за појадок јадела житарки.
Истражувачите истакнуваат дека храната што содржи поквалитетни протеини повеќе го задржува чувството на ситост. Според резултатите од истражувањето, јајцата може да се користат и како превенцијата од здебелување, но исто така и за намалување на телесната тежина.
Едно големо јајце содржи околу 70 калории, 5 грама протеини, 5 грама масти и 186 милиграми холестерол. Научниците укажуваат дека вареното јајце е меѓу најздравите форми на подготвување бидејќи што не содржи дополнителни калории од масла, а е побезбедно од живото, заради термичката обработка.
