Тајната лежи во тоа како Јапонците го живеат својот живот. На пример, јапонскиот инженер и учител по аикидо Катсузо Ниши додека растел бил прилично слабичко момченце, а нему и на родителите лекарите им рекле дека ќе умре пред да наполни 20 години. Родителите го испратиле во будистички храм за да му се подобри здравјето. Таму поминал три години учејќи за медитацијата и начинот на водење едноставен, но поздрав живот.
Сакајќи да го подобри своето здравје, Ниши се советувал со лекари, стручњаци, како и стручњаци за начин на живот, па го напишал својот прирачник за зајакнување на телото. Имал 44 години кога му била објавена книгата која зборува за тоа како да се подобри животот.
Некои од правилата кои ги навел во книгата се:
Спиење на тврда подлога и на грб
‘Рбетот е она што го чува телото и сите негови органи. Искривениот ’рбет често е резултат на лоша положба во креветот и може да предизвика многу проблеми. Ниши тврди дека одржувањето на рамен ’рбетен столб му помага на дигестивниот и системот за циркулација. Исто така, помага да делувате речиси 2 см повисоки.
Баталете ја перницата
Тргањето на перницата од креветот и користењето на тврд „валјак“ може да направи чуда за вашето општо здравје. Јапонците веруваат дека сколиозата е еден од првите показатели за вашето општо здравје. Јапонците веруваат дека сколиозата е еден од првите показатели дека личноста има здравствени проблеми. Се разбира, дека тврдиот валјак на почетокот нема да биде удобен, и затоа се препорачува да го завиткате со неколку слоја мека ткаенина и да го ставите под третиот и четвртиот пршлен.
Подобрете ја циркулацијата на капиларите
Легнете на рамна и тврда површина и ставете го тврдиот валјак под вратот. Кренете ги рацете и нозете, па лесно свиткајте ги во колената и лактите. Потоа протресете ги екстремитетите. Повторувајте го тоа 2-3 минути.
