Интересно откритие на јапонските научници, кое ќе ги шокира нутриционистите: имено, сладоледот е идеален избор за појадок, кој ги подобрува менталните перформанси и го подигнува нивото на внимание, пренесува британски „Телеграф“.
Јошихико Кога, професор на универзитетот Киорин во Токио, ги презентираше резултатите на неодамнешното истражување во кое испитаниците јаделе сладолед веднаш по будењето.
Потоа им ги испитувале менталните перформанси преку компјутерските тестови и резултатите ги споредувале со оние на група луѓе кои не јаделе сладолед за појадок.
Групата која јадела сладолед побрзо реагирала на задачите и побрзо ги обработувала дадените информации
Влијание врз мозокот
Со следење на активноста на мозокот, научниците забележале зголемување на фреквенцијата на алфа – брановите, кои се поврзани со подигање на нивото на „будност“ и внимание кај луѓето и со намалување на иритациите на менталните процеси.
За да ја исклучи можноста реакциите на испитаниците да се само „шок“ на мозокот од ниската температура од сладоледот, професорот Кога го повторил експериментот, но овој пат со ладна вода.
Сладоледот, сепак, води
Испитаниците покажале слична реакција и на ладната вода, но менталните перформанси, сепак, биле полоши од оние на групата испитаници кои јаделе сладолед за појадок.
Британските истражувачи напоменуваат дека овие резултати би можеле да бидат само реакција на телото и мозокот на состојбата кога се консумира каков било појадок, за разлика од онаа состојба кога не се јаде ништо, односно се прескокнува појадокот.
