Јапонското јаболко е нутритивно многу вредно овошје кое содржи голема количина на хранливи материи: витамини А, Б и Ц, јод и железо, што се особено корисни во овој период од годината затоа што ги подобруваат имунитетот и нервниот систем и му помагаат на организмот да се заштити од разни инфекции, сметаат нутриционистите.
Ова овошје можете да го консумирате во неограничени количества, но две до три овошки во текот на денот се сосема доволни, така ќе спречите дијареја и стомачни тегоби. Ова овошје е многу корисно и за лицата со анемија или кардиоваскуларни заболувања. Во себе содржи мало количество овошна киселина, па не им пречи на луѓето со гастроинтестинални проблеми.
Но сепак, треба да внимаваат и да го одбегнуваат лицата со проблеми со панкреасот или камења во бубрезите. Дијабетичарите смеат да јадат само по едно јаболко на ден, бидејќи содржи доста шеќери. Меѓутоа, ако сте здрави, можете безбедно да јадете до три јапонски јаболка на ден.
