Низа претходни истражувања веќе укажале на тоа дека редовното консумирање јаткасти плодови помага во превенцијата од кардиоваскуларни заболувања, а неодамнешното истражување покажало дека оревите, бадемите, лешниците, како и кикиритките ги намалуваат шансите да се здебелиме со годините.
Научниците дошле до овој заклучок со анализа на податоци од повеќе истражувања во кои учествувале преку 140 000 возрасни мажи и жени.
Анализите покажале дека со зголемување на внесот на јаткасти плодови за половина порција (15 грама) дневно можеме да го намалиме ризикот да добиеме два или повеќе килограми во текот на период од 4 години. На овој начин, исто така, може да се намали ризикот од дебелина за 15 отсто.
