Брзото губење на вишокот килограми, а потоа и нивното враќање (т.н. јо-јо ефект) не само што трудот да се намали телесната тежина го прават залуден, туку и лошо влијае врз здравјето.
Според резултатите добиени со истражувањето направено од страна на Американското здружение на кардиолози, се покажало дека јо-јо ефектот може да го зголеми ризикот од смрт како резултат на срцева болест, и тоа кај постарите жени со нормална тежина. Авторите на студијата која била направена како резултат на спроведеното истражување нагласуваат дека се неопходни дополнителни истражувања за да се потврди причинско-последичната врска меѓу наглите варирања на тежината и кардиоваскуларниот ризик.
Она што со сигурност може да се направи во меѓувреме, а го намалува ризикот од кардиоваскуларни заболувања, е превентивата – да се регулира крвниот притисок, да се држи под контрола нивото на холестерол, да се намали внесот на шеќер, да се консумира разновидна храна, да се одржува здрава телесна тежина и, секако, потребна е физичка активност. Пушењето, исто така, е важен фактор на ризик за настанување на срцеви болести, па така пушачите би требало да се потрудат да ги остават или барем да ги сведат на минимум цигарите.
