На постои човек кој барем еднаш во животот не користел повидон јод, медицинско средство за дезинфекција на кожата. Познат е како моќно средство против микроби бидејќи делува против широк спектар на патогени причинители: бактерии, вируси и габи. Но, не им е на сите познато дека растворот од повидон јодот може да се користи и како природно средство за растење и зајакнување на ноктите.
Со помош на јодот, за само еден месец ноктите ќе ги направите појаки, поздрави, ќе го решите проблемот со заноктиците и ќе го забрзате растењето. Се што треба да се направи е секоја ноќ пред спиење, со стапче за уши да нанесете раствор од повидон јод на ноктите, односно да ги налакирате со јод и да оставите да делува преку ноќ.
Наутро ќе забележите дека ноктите го впиле јодот и веќе на допир стануваат посилни. Остатоците од јод исчистете ги со паста за заби. На многумина им е познато дека пастата за заби, поради калциумот кој го има во големи количини, одлично делува на ноктите, со што ги избелува и дополнително ги зајакнува.
Процедурата можете да ја повторувате еднаш до два пати неделно, никако почесто.
Повторувајте ја постапката се додека ноктите не престанат да го впиваат јодот кога ќе ги намачкате со него. Кога ќе забележите дека наутро јодот останува на ноктите и веќе не се апсорбира, значи дека во организмот има доволно и треба да се направи пауза од еден месец.
