Јогуртот има природни антигабични и антибактериски својства, па помага и во надминување на проблемите со косата, скалпот и го забрзува нејзиниот раст. Може да помогне и при отстранување на првутот, а со оглед на фактот дека содржи и протеини, исто така ја јакне и хидратизира косата.
Пред миење, нанесете и измасирајте ја косата со јогурт. Ако имате долга коса, вашно е да нанесете јогурт по целата должина. Оставете да отстои еден час, а ако можете да издржите, нема да ви наштети да ја држите и подолго. Измијте ја со млака вода па нанесете шампон.
Ако сакате на вашата коса да и обезбедите протеински третман, во јогуртот додадете едно јајце. Жолчката и белката различно делуваат на косата. Белката ја јакне и зацврстува косата, додека жолчката ја хидратизира и и дава сјај. Посапката за нанесување е иста како и со јогуртот, но не ја држете подолго од еден час (преголемата изложеност на протеини може да ја оштети косата). Исплакнете со млака вода и измијте ја косата како и вообичаено.
