Кратко качување по скали неколкупати на ден може да го подобри здравјето на кардиоваскуларниот систем, покажува новата студија на кинезиолозите на Универзитетот McMaster i UBC Okanagan.
„Во заклучоците јасно се препорачува луѓето како дневна рутина да го воведат искачувањето по скали. Оние кои работат во или живеат во станбени згради може да се искачуваат на неколку ката во утринските часови, тоа е навистина ефективен тренинг“, вели Мартин Гибала, професор по кинезиологија на и автор на студијата.
Претходните студии покажаа дека вежбите со висок интензитет или спринтовите се ефикасни кога се практикуваат како десетминутни сесии со неколку минути пауза помеѓу сериите, додека, качувањето по скали е исто така интензивна вежба која може да го подобри здравјето на кардиоваскуларниот систем на човекот.
Група млади мажи енергично се искачувала по скали три пати на ден, со еден до четири часа пауза. Вежбата ја практикувале три пати во текот на седум дена во период од шест недели. Истражувачите ги споредувале промените на нивните способности со контролна група која немала интензивни вежби.
„Знаеме дека спринтувањето во интервали дава резултати, но бевме изненадени кога сфативме качувањето по скали е толку ефикасно“, вели Џонатан Литл, ко-автор на студијата.
