Доколку сте уморни и тешко ви е да се концентрирате место да пиете кафе, подобро е десетина минути да се качувате по скали. Ова, имено, е заклучок на едно неодамнешно истражување на група американски научници.
Во истражувањето учествувале 18 млади жени на возраст од 18 до 23 години, кои имаат обичај во текот на ноќта да спијат помалку од 6,5 часа (односно помалку од 45 часа на неделно ниво) и кои консумираат малку кофеин.
Една група во текот на денот пиела капсула со 50 мг кофеин, додека друга околу 10 минути со умерено темпо одела по скали.
Истражувачите го проучувале расположението, способноста за памтење и концентрација во текот на работниот ден кај учесничките во експериментот, како и нивото на енергија пред и после капсулата со кофеин, односно вежбањето на скали. Се покажало дека жените кои се качувале по скали после оваа вежба се чувствувале поенергично и помотивирано отколку испитаничките кои против уморот се бореле со помош на кофеин.
