Нанесувањето парфем на многу жени им еден од најубавите моменти од спремањето. Како што секој љубител на парфеми знае можно е со нив да се претера, но и да се стават таму каде што не треба и така да си наштетите на сопственото здравје. Ова се местата на телото на кои парфемот не би смеел ниту да „припари“.
Коса
Косата природно апсорбира мириси, па зарди тоа може да изгледа како добра идеја ставањето парфем по неа. Но парфемите кои во себе содржат алкохол можат да ја исушат косата, особено ако ги прскате директно. Место тоа, ако веќе не можете да одолеете, прснете од омилениот парфем на четката за коса, и така ќе одбегнете оштетувања и испукани врвови.
Раце
Додека нанесувањето на парфемот на внатрешната страна од рачниот зглоб е еден од најпопуларните начини мирисот да го носите цел ден, ако случајно се најде на вашите раце може да ја исуши кожата, да предизвика пукање, па дури и крвавење. Освен тоа ако случајно ги протриете очите со рацете, веројатно, ќе предизвикате несакана реакција, односно печење и иритација.
Пазуви
Прскање парфем под пазувите е уште една потенцијална можност за иритација. Интеракцијата меѓу парфемот и потните жлезди под пазувите може да резултира со чешање и печење.
Гениталии
Прскањето парфем во близина на интимното подрачје, исто така, може да доведе до исушување на кожата. А мирисите можат да ги иритираат половите органи и да предизвикаат воспаление, чешање и болка.
СОВЕТ: Најдобри и најбезбедни места за нанесување парфем се пулсните точки на телото, вклучително и зглобовите, вратот и задниот дел од колената, затоа што тоа се места на кои парфемите емитираат топлина и нема да ја иритираат кожата.
