Каенскиот пипер е зачин познат низ целиот свет. Интензивната црвена боја дава колоритност, но и многу специфичен вкус на храната. Црвениот зачин е најпознат е по својата лута нота, која ја дава на јадењата, заради тоа што содржи многу капсаицин.
Но треба да се знае дека каенскиот пипер не е само зачин, туку, заради капсаицинот помага и во топење на калориите, ублажувње на симптомите на артритис, за нормализација на варењето на храната, регулација на шеќерот во крвта и поттикнување на циркулацијата.
Каенската лута пиперка може во домот да се чува и во свежа форма, не само во прав, како зачин. Иако е многу лута и не секој може да ја консумира, сепак, тоа не ги намалува нејзините здравствени придобивки. Каенската пиперка го поттикнува варењето на храната, на тој начин што го стимулира лачењето на желудочните сокови. Има и антифунгални и антиканцерогени својства, особено кај ракот на белите дробови и црниот дроб. Ги ублажува и симптомите на мигрената и на грипот, бидејќи содржи селен, магнезиум и витамини А и Ц.
Каенските пиперки, заради капсаицинот имаат антивоспалителни својства, а се покажало и дела лутите пиперки го намалуваат нивото на холестерол и триглицериди во крвта и спречуваат згрутчувања.
Силната црвена боја покажува висок процент на бета-каротен или про-витамин А, а внесување мала количина каенска пиперка секој ден на телото му обезбедува витамин А и Ц, потребни за борба со инфекции.
