Од една страна, постојат луѓе кои се пасионирани љубители на кафе, а од друга, се оние кои уживаат во пиењето чај. Факт е дека и двата напитока содржат кофеин, но кој е подобар за организмот?! Добра вест е дека и чајот и кафето се мошне здрави, особено ако се без засладувачи и дополнителни ароми. Двата напитока можат да бидат дел од здравата исхрана, а ваш е изборот за кој ќе се одлучите.
И едниот и другиот поседуваат некои специфични, здравствени предности и недостатоци, кои би требало да се земат предвид, пред да се изјасните како љубител на кафе или чај.
Предности на кафето: Подолг живорен век и подобра меморија
Истражувањата покажале дека секојдневното консумирање кафе го намалува ризикот од хронични заболувања. Исто така, луѓето кои пијат кафе, во просек по пет филџани дневно, имаат подолг животен век. Кафето благотворно влијае на мозочните функции и долгорочно ја чува меморијата. Освен тоа пиењето кафе денес е и социолошки настан, кој е, пред се, битен заради дружење и разговор. На тој начин пиењето кафе позитивно влијае на емотивниот и друштвениот живот.
Предности на чајот: Го јакне имунитетот и го намалува ризикот од рак
Нема сомнеж дека чајот е на добар глас, затоа што освен што влијае на губењето на килограмите, го јакне и имунитетот. Пиењето чај доведува до опуштање на нервите и намалување на количеството на стрес. Зелениот и црниот чај содржат повеќе антиоксиданти од кафето.
