Кафето најчесто го пиеме кога ни е потребно да се расониме. Меѓутоа, што се случува кога во текот на денот ќе испиеме кафе, а потоа кратко ќе дремнеме?! Две помали истражувања покажале дека оваа комбинација брзо ја обновува енергијата и потоа ја подобрува способноста за концентрација.
Едноставно испијте филџан кафе и малку прилегнете. Стимулативното дејство на кафето настапува дури после 30 минути така што ќе имате доволно време за куса дремка. Посветете внимание на тоа да не претерате со спиењето – 15 до 30 минути се сосема доволни за да се одморите на овој начин.
Исто така, кафето не го пијте многу доцна попладне. За навечер да можете да заспиете без никаков проблем, кофеинот би требало да го одбегнувате и до 6 часа пред одењето во кревет.
