Неодамнешно истражување објавено со специјалистичкото списание JNCI: Journal of the National Cancer Institute тврди дека консумирањето на неколку шолји кафе во текот на денот е поврзано со 20 отсто помал ризик од развој на малигнен меланом.
Веќе постојат неколку истражувања кои укажуваат дека кафето заштитно делува против развојот на други видови на рак на кожата (не меланом). Меѓутоа, новото истражување на Националниот институт за рак и факултетот за јавно здравје на Јеил во САД било фокусирано токму на оваа форма. При тоа истражувачите пратиле импозантен пример од 447 357 испитаници со бела кожа чија исхрана е следена од 1986 – 1996 година.
По споредување на здравствените резултати по 10-годишното следење, се утврдило дека лицата кои пиеле најмногу кафе, конкретно четири шолји дневно, имале најмал ризик од развој на меланом.
Тој ризик кај нив бил помал за 20 %. Овој резултат важел за нормалното кафе, а не за кафето без кофеин кое не покажало заштитен ефект. Интересно е дека до слични резултати дошло и едно претходно истражување спроведено во Норвешка (на лица со исклучително бела и светла кожа), кое утврдило дека умереното консумирање на филтер кафе може да го намали ризикот од развој на меланом.
