Проширената простата, или бенигната хиперплазија на простатата е виновникот за зачестената потреба за уринирање, особено кај мажите над 50 години. Доколку оваа состојба е пропратена и со болка или блага тегоба, тогаш се препорачува намалување на количината на течности кои се внесуваат во организмот. Препорачано е околу 1,5 литри на ден течност, а за да се избегне ноќното мокрење, мажите не би требало да пијат вода два часа пред одење во кревет. Особено, ова се однесува на консумирање течности кои содржат кофеин или алкохол, бидејќи имаат диуретички својства.
Бенигната хиперплазија може да го отежне и лачењето на урина бидејќи зголемениот притисок влијае на уретрата. Ова може да предизвика дополнителни тегоби, како инфекција на уринарниот тракт како последица на недоволното празнење на мочниот меур.
