Лешникот содржи и витамини од Б групата, особено Б1 и Б6, кои се важни за мускулната маса и енергијата, работата на мозокот и нервиот сиситем. Ако се внесува во доволни количини, спречува депресија, па затоа лешникот особено се препорачува за трудниците, за да избегнат постпородилна депресија, која се почесто се јавува.
Витаминот А од плодот поволно делува на кожата и косата, забите и имунитетот, но ги зајакнува и внатрешните органи. Витаминот Е исто така е важен за виталноста на кожата, влијае на крвните садови, го чува срцето, витамините К и Ф го поттикнуваат метаболизмот, растот на косата и помагаат кожата да биде здрава.
Лешникот е силен антиоксидант бидејќи содржи фенолни соединенија, а во свежите цветни реси и во листот се има голема количина на витамин Ц, а во кората и листот се присутни катехински танини. Цветните реси, кората и листот се користат во превенција и лекување на жолтица, воспаление на белите дробови и низок притисок.
Протеините се исто така составен дел од оваа намирница. Во 100 грама лешник има 15 грама протеини, што е околу 30% од дневната потреба кај просечен човек.
