Заклучно со минатата недела во земјава се потрошени над 500.000 дози вакцини против КОВИД-19, односно вакцинирани се 473.853 лица, а ревакцинирани 199.143.
“Бројот на лица кои изразиле желба за вакцинирање преку веб платформата vakcinacija.mk, изнесува 454.104 граѓани“, информираат од Министерството за здравство.
Бројот на вакцинирани лица во светот е голем, но луѓето и натаму се прашуваат дали и кога ќе треба дополнителна, трета доза вакцина.
Во САД, одлучено е да се купат уште 200 милиони дози Модерна, за да администрацијата на Бајден биде подготвена ако на населението му биде потребна трета доза вакцина. Д-р Ентони Фаучи, главен советник за здравство и шеф на Институтот за алергии и инфективни болести во интервју открива кога категорија на луѓе најверојатно ќе имаат потреба од дополнителна доза вакцина во месеците кои се пред нас.
НА ПОВОЗРАСНИТЕ НАЈВЕРОЈАТНО ЌЕ ИМ ТРЕБА ТРЕТА ВАКЦИНА
Според д-р Фаучи, набавката на овие дополнителни количини вакцини во САД е делумно подготовка за вакинирање на помладите групи, од 9 до 12 години, од 9 до 6 години, па дури и за деца на две годишна возраст, чија вакцинација се очекува во иднина, но и за потенцијална потреба за дополнителна вакцина.
Тој појаснува дека нема на сите да им биде потребна дополнителна доза, во исто време.
“Потребата за трета вакцина ќе варира. На пример, сметаме дека на повозрасните лица ќе им биде потребна пред помладите, особено оние кои имаат слаб имун систем. Во моментов учиме и го следиме развојот на ситуацијата и се надеваме дека ќе дојдеме до вистинскиот одговор, а јас верувам дека така ќе биде и дека во тој момент ќе бидеме пдготвени“, додава д-р Фаучи.
На прашањето колку трае имунитетот од вакцините, д-р Фаучи открива дека се работи за неколку месеци до една година и дека тоа е заклучок според оние кои први се вакцинирале и за кои се чини дека се се уште заштитени.
“Подготвени сме да го вакцинираме населението со дополнителна доза, но не знаеме во кој момент ќе ттреба да го направиме тоа. Сега спроведувам тестови, клинички истраувања и правиме проценка на исходите од различни опции, кога се во прашање оние на кои ќе им треба дополнителна заштита“, потенцира тој.
КАКО ДА СЕ ЗАШТИТИТЕ АКО НЕ СТЕ ВАКЦИНИРАНИ
Следете ги советите на експертите и помогнете оваа пандемија да заврши. Носете маска, мијте раце, држете растојание, избегнувајте гужви и вакцинирајте.
