Јапонски истражувачи дошле до изненадувачко откритие за какаото: овој популарен напиток значајно помага организмот за да се избори до инфекцијата од разни типови на вирусот на грип.
Од претходно е познато дека какаото содржи билошки активни компоненти кои покажуваат антимикробна активност. Јапонските истражувачи го испитувале заштитниот ефект на какаото на вирусот на грип, користејќи и лабораториски тестови и клинички испитувања. При тоа користеле какао кое се добива од обичното какао кое се користи во широката потрошувачка.
Најпрво, со него во лабораторија третирале култура на клетки инфицирани од човечки вируси на грип тип А (H1N1, H3N2) и тип Б (H5N1, H5N9) како и со птичји вирус. Исто така, тој екстракт го давале и на глувци на кои претходно им било вбризгувана летална доза на вирус на грип. Во клиничкото испитување на луѓе, една група на пациенти го пиела какао напитокот во период од три недели, а другата (контролната) група не пиела.
Резултатите од испитувањето на лабораториски култури покажале дека екстрактот на какао инхибирал апсорпција на вирусот во клеточните култури. Во експериментот на животни, екстрактот на какао значајно го подобрил преживувањето кај глувците инфицирани со вирусот на грип.
Во клиничкото испитување на луѓе, се покажало дека консумирањето какао го зголемува производството на антитела кои го неутрализираат вирусот на грип, како и активноста на клетките убици на имуниот систем.
На оваа основа, истражувачите заклучиле дека консумирањето какао го активира прирдониот имунитет и за засилува имуната реакција, обезбедувајќи посилна заштита од инфекции и заболувања предизвикани од вирусот на грип.
