Иако не постои специфичен третман за КОВИД-19, често и сами можете да ги олесните симптомите кои се јавуваат додека не се опоравите. Секако, ако сте загрижени за здравјето, секогаш можете да се обратите кај матичниот лекар за дополнителни совети.
Според пишувањата на стручњаците постојат три главни симптоми на инфекција со новиот коронавирус:
- Зголемена температура
- Кашлица и
- Отежнато дишење.
КАКО ДА ТРЕТИРАТЕ ВИСОКА ТЕМПЕРАТУРА?
- Ако ве мачи зголемена температура, може да ви помогне:
- Многу одмор
- Многу течности за да избегнете дехидрација, а потребно е да се пие толку течности, за урината да ви биде со светло жолта боја или проѕирна.
- Парацетамол или ибупрофен може малку да ги олеснат симптомите
КАКО ДА ЈА СМИРИТЕ КАШЛИЦАТА?
- Ако кашлате, најдобро е да избегнувате лежење на грб. Легнете на страна и држете ја главата повисоко.
- За да ја ублажите кашлицата, земете една лажица мед, но не смее да се дава на деца помали од 12 месеци.
- Доколку ништо не помогне, контактирајте лекар за да ви даде совет што да земете за смирување на кашлица
- Не одете во аптека
Ако вие или некој кој има симптоми на инфекција со коронавирус, мора да остане дома. Ако е потребно контактирајте лекар или друго стручно лице преку телефон.
ШТО ДА НАПРАВИТЕ АКО ОТЕЖНАТО ДИШИТЕ?
Доколку имате потешкотии со дишењето, може да си помогнете ако температурата на водухот во просторијата е малку пониска. Намалете го греењето или отворете прозор.
Можете да пробате и:
- Дишете полека низ нос, а издиѓувајте низ уста додека усните го држит споени како да ќе гасите свеќа.
- Седете исправено на столица
- Опуштете ги рамената и исправете се
- Лесно наведнете се надолу, помогнете си така што ќе се потпрете со рацете на колена или на нешто стабилно.
Обидете се да не паничите ако останувате без водух, тоа може само да ја влоши состојбата. Ако состојбата не се пдообрува, веднаш повикајте лекар.
ЗАШТИТЕТЕ СЕ
Миењето и дезинфекцијата на рацете се клучни за спречување на инфекција. Рацете треба да се мијат често и темелно со сапун и вода, најмалку 20 секунди. Кога сапунот и водата не ви се достапни, користете средство за дезинфекција кое содржи најмалку 60% алкохол. Не кивајте во раце и не кивајте кон други.
ПОМОГНЕТЕ СИ СО ПРАВИЛНО ДИШЕЊЕ
Д-р Гзим Реџепи, пулмолог објаснува колку е важно правилно да се диши, а тоа посебно се однесува на користењето на дијафрагмата.
“Дијафрагматското дишење, наречено и абдоминално дишење или дишење од стомак, значи целосна размена на воздухот. Вдишениот воздух се разменуваме со јаглерод диоксидот што излегува. Со таквото дишење се забавуваат отчукувањата на срцето и се намалува и стабилизира крвниот притисок. Тоа го нарекуваме правилно дишење. Да се диши вака е исклучително важно за лицата кои имаат оштетени бели дробови (лица со хронична опструктивна белодробна болест) каде воздухот може да остане заробен во белите дробови што постојано ја притиска дијафрагмата надолу“, појаснува д-р Реџепи.
