Иако половите органи не се нешто за кое отворено се зборува кога пиеме кафе со пријателите, гинеколошкото здравје е всушност многу важно и не смее да се игнорира, бидејќи кога е во прашање ракот, некогаш и минутите се важни. Според повеќе светски анкети, околу 65 проценти од младите жени имаат проблем отворено да зборуваат за својата интима, додека, пак, голем дел од нив не знаеле ниту еден симптом на рак на вагината. Многу жени, исто така, користат шифри кога треба со пријателка да разговараат за гинеколошки проблеми. Ракот на вагината, заедно со сите видови што можат да се појават во тој дел, станува се почеста појава. Секоја жена треба да биде свесна за своето гинеколошко здравје и редовно да оди на гинеколошки прегледи. Ова се петте видови вагинален канцер за кои треба да знаете:
Рак на матката
Овој вид рак се појавува на внатрешните ѕидови на матката, а бројот на заболени жени поразувачки расте секоја година. Ова најчесто се должи на нездравиот животен стил, но важен е и наследниот фактор. Најчести симптоми се нерегуларни крвавења, односно после менопауза, ако жената веќе е влезена во менопауза или помеѓу две циклусни крвавења.
Рак на цервиксот
Цервиксот е малиот канал кој ги поврзува матката и вагината. Ракот може да се појави речиси на секоја возраст, но најголем број заболени жени се помеѓу 35-40 години, а значајно помал број под 25 години. Симптомите може да бидат нерегуларни крвавења, меѓу два циклуса или после секс, но и исцедок во кој има траги од крв или мириса непријатно, проследено со зачестени болки во стомакот.
Рак на јајници
Ракот на јајници предизвикува поголема смртност кај жените отколку сите други видови вагинални карциноми. Причина за тоа е што лесно го уништува ткивото на јајникот и брзо може да се прошири на другите органи. Симптомите се постојана болка во високиот и нискиот абдомен, подуеност и тешкотии со варењето, но и зголемена потреба за мокрење.
Рак на вагината
Овој вид рак е доста редок, а најчесто е дијагностициран кај жени над 60 години. Ова се случува поради промени на клетките на ѕидовите на вагината. Иако сами по себе овие промени не се многу опасни, доколку не се третираат навреме, може да предизвикаат многу проблеми. Најчести симптоми се нерегуларните крвавења или крвавења по менопауза, потоа исцедок со траги од крв, болен сексуален однос или видливо ткиво кое гинекологот може да го допре при обичен преглед. Исто така, присутно е и чешање. Овие симптоми може да бидат поврзани и со други заболувања, затоа е важно доколку имате промени, редовно да ги следите со вашиот гинеколог.
Рак на вулвата
Овој е еден од полесните видови рак, кој, исто така, е и доста редок. Повеќе од 80 проценти од случаите се жени над 60 години, а кај помладите, помеѓу 30-50 години, може да биде дијагностициран рано и ефикасно да се излечи. Симптомите можат да се манифестираат преку чешање, болка и пречувствителност, мали ранички на кожата, црвенило или дисколорации, печење при уринирање, болни грутки или жлезди или акна која ја менува формата и бојата.
