Поради современиот начин на живот, вообичаено оваа бројка е многу пониска, односно организмот е кисел и затоа се чувствуваме уморно, без волја, подуено и општо лошо. Ова се знаци на предупредување дека нашиот организам е премногу кисел.
За телото да може да апсорбира и искористи одредени хранливи состојки, органите за варење мора храната соодветно да ја разградат. Нездравите прехранбени навики, како преголемиот внес на храна со која системот за варење не може да се справи, предизвикуваат тешкотии во варењето, а тие може штетно да влијаат на односот на алкалност и киселост во телото.
Доколку вредноста на Ph е помала од 7, значи дека телото е премногу кисело.
Прекумерната киселост, наречена ацидоза, може да е последица не само на продуктите кои ги јадеме, туку и на начинот како ги јадеме. Современата исхрана подразбира поголемиот дел од нас да консумира погрешен вид на храна и напитоци. Таквата исхрана едноставно го парализира организмот и претставува товар за нас. Секако, своја улога играат и други фактори како стресот, недостигот на сон, загаденоста и, секако, возраста.
ОСНОВНИ ПРИНЦИПИ НА АЛКАЛНАТА ИСХРАНА
- Пијте алкална вода, и тоа два литри дневно. Може да внесувате и сокови, но не ја заборавајте водата. Немојте да престанете да пиете вода и да почнете да пиете само сокови, макар тоа биле и здрави свежо цедени. Пиејќи доволно вода и течности, телото ќе ви биде со добар Ph статус, телото здраво, а органите витални.
- Ако меѓу оброци огладнете, напијте се чај од билки или алкална вода. Честопати телото е жедно, а не гладно, па затоа подобро испијте нешто, отколку да посегнете по храна.
- Навечер немојте да пиете и да јадете сурова храна, бидејќи потешко се вари. Во текот на ноќта, таквата храна ферментира во желудинкот.
- Наместо кафе или црн чак, пијте вода, чај од билки или супа. Кафето и црниот чај се кисели.
- Не бидете напнати кога сте на третман за прочистување. Останете смирени и фокусирани. Уживајте во процесот на чистење на телото и на духот.
ТЕГОБИ КОИ УКАЖУВААТ ДЕКА ТЕЛОТО ВИ Е КИСЕЛО
- Запек и подуеност. И за едното и за второто причина е пребрзото јадење, премногу внес на храна или консумирање кисели оброци.
- Кусок енергија и концентрација. Со оглед дека киселината ја намалува количината на кислород во крвта, се чувствувате тромо, бидејќи во мозокот и во телото ви недостасува овој витален елемент.
- Проблеми со тежината. Прекумерната телесна тежина зборува дека вашата исхрана не е во склад со способноста на телото да ја обработи храната што му ја давате.
- Лош тен, сува и беживотна кожа без сјај. Вишокот киселина се излачува преку кожата и предизвикува нејзино оштетување и воспаленија.
- Непријатен здив, проблеми со непцата. Овие работи директно може да се поврзат со киселата исхрана, бидејќи тогаш бактериите многу побрзо се размножуваат, за разлика од алкалната исхрана.
- Чести настинки и кивавица. Кога телото не ја добива вистинската храна и кога флората во желудникот се менува, резултат е намален имунитет.
- Болки во мускулите и во зглобовите. Воспалението може да биде сигнал дека се излачуваат алкалните минерали во коските и во мускулите, за да ја неутрализираат киселоста. Одредени киселини, како арахидонската киселина во црвеното месо, исто така, предизвикуваат воспаление.
