За некои луѓе времето на празници е навистина најдоброто време во годината. Меѓутоа, постојат и луѓе кои размислуваат поинаку и кои празниците ги доживуваат како најстресен период во годината. Стресот за време на празниците може да вклучува анксионост, а се повеќе луѓе почнаа да зборуваат за овој проблем откако се намали стигмата во врска со менталното здравје. Американскиот магазин „Mashable“ пишува дека без оглед на тоа дали сте нервозни кога патувате или не можете да консумирате алкохол, постојат специфични начини да управувате со тие емоции.
Терапевтот Џеф Бејкер советува дека за време на патувањата, кои можат да предизвикаат стрес, треба да ја примените техниката наречена „приземјување“, односно едноставно додека патувате можете, на пример, да боите и на тој начин ќе го префрлите фокусот од стресните работи. Друг начин на опуштање на телото е со опуштање на мускулите, а тоа доведува до опуштање на умот.
Некои луѓе стануваат нервозни затоа што за време на празниците не можат да пијат алкохолни пијалаци бидејќи заради некоја болест се на терапија. Бејкер тврди дека тоа, исто така, може да биде причина за луѓето да се чувствуваат „круто“. Решението е да се запамти дека нема разлика меѓу празниците и „обичните“ денови.
„На празниците им даваме посебно значење, а тие доаѓаат и си одат баш како и секој обичен ден“, порачува Бејкер и додава дека најдобро е отворено да се каже ’Јас не можам да пијам алкохол затоа што пијам лекови, возам или едноставно повеќе не пијам.’“
Постои и категорија луѓе која е на диета или луѓе кои ја чуваат храната за другите. Психологот Џули Гровемен им советува на оние кои се на диета побавно да ја џвакаат храната, а на домаќините кај кои се јаде вешто да управуваат со темите за време на оброкот, односно да се одбегнува политика.
Голем број луѓе не можат да го поминат одморот со своите семејства што доведува до чувство на тага и осаменост. Тоа е разбирливо, но нека не ви е жал. Важно е да сте сите на број каде и да сте. Гровемен наведува дека врз одреден број луѓе влијание на овој вид стрес имаат и социјалните мрежи.
Затоа ако сте под стрес заради празниците ви препорачуваме да слушате музика, да појдете на пливање, да медитирате… Вреди да се проба.
