Гастритис е општ израз за група на состојби со една заедничка работа, а тоа е воспаление на слузницата на желудникот. Најчесто е последица на инфекција со истата бактерија која предизвикува поголем дел од чиревите на желудник или редовно земање на одредени лекови против болки. Консумирањето премногу алкохол исто така може да придонесе за појава на гастритис, велат лекарите од клиниката Мајо.
Гастритисот може да се појави изненадно (акутен гастритис) или се јавува полека со текот на времето (хроничен гастритис).
Во некои случаи гастритисот може да доведе до чир и зголемен ризик од рак на желудникот, но за повеќето луѓе гастритисот не е сериозен и брзо се опоравува ако се лекува.
КАКО СЕ ПРЕПОЗНАВА ГАСТРИТИС?
Со оглед на тоа дека понекогаш гастритисот нема никакви симптоми, ниту знаци, оваа состојба не секогаш е лесно да се препознае.
Симптомите кои укажуваат на тоа дека би можело да ве мачи гастритис се:
- Болки во горниот дел на стомакот кои може да се влошат по јадење
- Дигестивни пречки
- Мачнина
- Повраќање
- Чувство на тежина во желудникот
- Проблеми со синусите
- Болка во грлото
- Кашлица
- Кожни проблеми
- Послаб апетит
Во случај овие симптоми да се јавуваат често и не поминуваат ниту по неколку денови, стручњаците препорачуваат да се јавите на лекар за да ви одреди понатамошни испитувања или земање терапија.
Лекувањето на гастритисот исклучиво зависи од неговата причина, а лекарите советуваат избегнување на масна храна, консумирање на помали оброви повеќе пати во текот на денот, како и елиминирање на сите намирници кои на каков било начин ги засилуваат непријатните симптоми.
