Непроспиена ноќ или лошо спиење им се случува на сите, а за наредниот ден да можете нормално и без последици да функционирате, совет е да направите некои од овие работи.
За следното утро да се разбудите и да дојдете на себе, совет е да се истуширате со студена вода. Не треба студена вода да користите цело време, но барем половина минута за време на туширањето, телото измијте го со студена вода, да ја поттикне циркулацијта, и сигурно ќе ве разбуди, освежи и опорави.
Кофеинот буди, тоа сите го знаат, но колку и да ви е потребно будење, при консумација на кофеин е многу важно да не претерувате. Две шолји кафе дневно и тоа како ќе ве разбудат. Повеќе од две шолји на ден никако не се препорачува, а најдобро е по кафето да продолжите да пиете вода.
Заморот најчесто се јавува во попладневните часови, и тоа меѓу 13 и 15 часот, а тоа време е најдобро лицето да се раздвижи. Најдобро ќе се разбудите така што ќе излезете на воздух и вдишете свеж воздух, но и малку да се истегнете.
Тргнете ги завесите од прозорецот и пуштете светлина во собата. Кога лицето е изложено на сончева светлина, телото престанува да лачи хормон кој е поврзан со спиењето, и му испраќа сигнал дека е време за акција.
Храната полна со шеќери е многу примамлива, особено кога лицето е поспано, но не се советува нејзино консумирање, туку треба да се јаде ниско калорична храна и полна со здрави протеини. Се препорачува пилешка салата, јајца и намирници од цели зрна. Шеќерот може да помогне во краток рок, но предизвикува шок на организмот, поради што никако не се препорачува. Тешка храна исто така треба да се избегнува, бидејќи предизвикува поголема поспаност.
Направете неколку вежби, бидејќи така ќе ја забрзате циркулацијата, што ќе ви го зголеми вниманието преку целиот ден и ќе ве наполни со енергија која ви недостасува по непроспиена ноќ.
