Самодовербата и вербата во себе се клучни поими за остврување на секоја животен цел. Ако ја немате, можете да ја стекнете, но мора да работите на себе. Кога ќе сретнете лице со самодоверба, веднаш ќе го препознаете. Тоа е лице кое знае што сака и знае дека може да оствари се што сака.
Самодовербата е клучен поим за остварување на секоја животна цел. Заради ниското ниво на самодоверба луѓето најчесто ги „саботираат„ добрите работи во животот. Дури, и кога среќата ќе им се насмевне, тие не знаат да ја прифатат. Да се помогне на луѓето да се ценат и сакаат е важно, иако е тешка задача и за тренерите и за оние чија самодоверба е разнишана. Луѓето со низок степен на самодоверба не ги прекинуваат нездравите односи, незадоволни се на работа, а сепак не ја менуваат, имаат проблеми со здравјето, повеќето од нив се жртви.
Недостаток на самодоверба е последица од многу животни проблеми. Најверојатно и самите луѓе се свесни за многу последици. Но, има и такви кои наоколу се прикажуваат задоволни и самоуверени, па дури и пресамоуверени, но кога ќе останат сами ја симнуваат маската и тогаш се сосема поинакви.
Зошто сте задоволни?
Иако нема волшебно стапче и не е лесно да се даде универзална формула, сепак постојат здрави и корисни совети за тоа како да се биде човек со самодоверба. Јакнењето на самодовербата и да знаете како да си помогнете во остварувањето на целите, како и среќен и исполнет живот, бара доста работа. Или, подобро речено, истрајност.
Промена на внатрешните слики и задржување на здравиот поглед на себе и светот околу себе бара многу работа. Најнапред, потребно е да ги пронајдете изворите за губењето на самодовербата. Пронајдете факти дека вашата ниска самодоверба, стравови и секоја негативна мисла е причина за незадоволство и негативни случувања во вашиот живот. А често и во животот на вашите блиски. Пронајдете вообичаени обрасци кои ја поддржуваат таа ваша „лоша„ слика за себе. Одлучете тоа да го промените. Донесувањето одлука да ги промените лошите навики, негативното однесување и уверувањата кои ве ограничуваат е најважниот чекор во личната промена. Таа ќе ви ја потврди спремноста да истраете во остварувањето на целта без оглед на препреките. А ќе ги има. Овозможете и на својата креативност и интуиција да ви послужат за да постигнете позитивни резултати.
Запрашајте се (кога не работите ништо) зошто сте задоволни, мирни и среќни.
