Надбубрежната жлезда е една од најважните жлезди во организмот, која произведува многу значајни хормони за работата на целиот организам. Се наоѓа над бубрегот. Со својата секреција влијае на нивната работа, и на исфрлањето на вишокот хормони од организмот. Иако до некаде е логично да бидат симетрични, бидејќи се наоѓаат над симетрични органи, тие не се. Десната жлезда е во облик на триаголник, додека левата повеќе наликува на полумесечина. Се состојат од три дела: капсула, кора и мозок, и секој од тие делови лачи одреден вид хормон.
Надбубрежната жлезда е задолжена за лачење на неколку важни хормони, од кои најважни се:
Полови хормони
Кај мажите тестостеронот инаку се лачи во тестисите, меѓутоа, во случаи кога тоа не се случува, помага надбубрежната жлезда со андростенедионот, DHEA и DHEA-S хормоните, кои може да се претворат во тестостерон. Кај жеите исто така ги лачи женските полови хормони.
Кортизол
Надбубрежната жлезда исто така влијае и на лачењето на кортизолот, хормон задолжен за регулирање на спиењето и будењето, што понатаму влијае на работата на целиот организам.
Алдостерон
Хормон кој влијае на секрецијата на минералите од организмот се вика алдостерон и се лачи во кората на надбубрежната жлезда.
Адреналин, норадреналин и допамин
Кога организмот ќе ги препознае симптомите на стрес, тој веднаш праќа сигнал до надбубрежната жлезда да почне со лачење на три хормони кои ќе создадат одредени одговори на стресот. Прво ќе го забават метаболизмот, ќе го засилат вниманието, а тогаш и ќе одговорат на надворешните сигнали. Во зависност од тоа колку долго стресот трае, надбубрежната жлезда ќе ја зголемува или намалува секрецијата на овие хормони.
Најтежок облик на болест на надбубрежната жлезда е тумор или аденом. Симптомите на ова заболување зависат од тоа кој дел од жлездата заболел, односно, кои хормони оваа жлезда ги лачи во поголема количина или помала отколку што е потребно.
Сепак, една од најчестите болести е забавената работа на жлездата, предизвикана од намалено лачење на адреналин. Може да се јави како одговор на долгорочен стрес, кога организмот ќе ги исцрпи сите депоа на адреналин и ќе престане адекватно да одговара на стресот. Тогаш се јавува слабост, депресија, апатија, матен вид и хроничен замор.
Но, сето ова може да се излечи по природен пат и регулирање на нејзината работа. Може да се контролира и регулира со помош на исхрана. Затоа е важно на време да се препознаат симптомите на стрес и да се намалат колку е можно повеќе.
Совети:
- Да се намали нивото на кофеин – да се пие помалку кафе
- Да се зголеми количината на производи од кокос – особено кокосово млеко – докажано ја подобрува работата на надбубрежната жлезда
- Зголемена количина на корисни масти како омега 3 масни киселини
- Да се зголеми количината на зеленчук, особено зелениот како спанаќ, кељ, зеље, но да не се претерува со овошје
- Витамин Б 6 и селен
- И секако да се намали стресот, или барем да научите да ги препознавате симптомите и така да ги намалите или ублажите последиците кога ќе се појават. Решавајте ги проблемите долгорочно и пронајдете време за одмор и опуштање од секојдневниот живот.
