Штом почнете да чувствувате болки во грбот, сигурно помислувате на тоа дека сте истегнале некој мускул или сте го повредиле грбот. Меѓутоа, лекарите предупредуваат дека вашиот грб во некои случаи немаат нема никаква врска со тоа, туку непријатните болки ги предизвикуваат проблеми со бубрезите.
Со оглед на тоа дека бубрезите се наоѓаат на подрачјето на долниот дел на грбот, повеќето пациенти болката во бубрезите ја мешаат со болките во грбот, но овие два вида на болки имаат различни причини и начини на лекување.
Додека болките во грбот најчесто се предизвикани од некоја надворешна појава и можат полесно да се елиминираат, кога станува збор за бубрежна болка, состојбата обично е многу посериозна.
Лекарите објаснуваат дека болката во бубрезите најчесто е предизвикана од воспаление или некои посериозни болести кои ги зафаќаат бубрезите. Болката во грбот, од друга страна, обично е предизвикана од оштетување на ткивото во грбот. Ако научите да правите разлика меѓу нив, тоа може да ја олесни навремената дијагноза и понатамошниот тек на лекувањето.
Како да препознаете бубрежна болка?
Болките во бубрезите се длабоки, прободувачки, се јавуваат нагло и обично поминуваат и повторно се појавуваат. Болките најчесто се јавуваат во повисоките нивоа на ‘рбетот и во пределот под ребрата, покрај ‘рбетот, а струката предупредува дека заболените исто така можат да ги почувствуваат и во централниот дел на стомакот или препоните. Сепак, болките во бубрезите обично вклучуваат и други симптоми, тврди д-р Рена Д. Малик.
Тие симптоми се покачена температура, повраќање и мачнина, болно мокрење, заматена или темна урина и чести инфекции на уринарниот тракт. За разлика од болките во грбот, кои во повеќето случаи поминуваат сами од себе, болката во бубрезите генерално нема да се подобри додека не ја идентификувате и почнете да ја лекувате основната причина.
Можни причини
Вашите бубрези го филтрираат отпадот од вашето тело, создаваат урина и произведуваат хормони кои го регулираат создавањето на црвени крвни зрнца. Болките во бубрезите обично се предизвикани од болести на бубрезите и други делови на уринарниот систем, а некои од овие причини вклучуваат камења во бубрезите, уринарна ретенција (задржување на урината), везикоуретерален рефлукс, оштетување на бубрезите и полицистични бубрези. Секоја од овие состојби бара лекување, инаку може да дојде до посериозни последици како затајување на бубрезите.
