Пред пандемијата со КОВИД, течењето на носот и главоболката значеа дека само сте настинати, но сега кога состојбата е променета, треба малку подобро да се размисли дали се работи за симптоми на КОВИД-19.
КАКО МОЖЕТЕ ДА БИДЕТЕ СИГУРНИ ДЕКА Е ВО ПРАШАЊЕ САМО НАСТИНКА?
Националниот здравствен сервис на Велика Британија (NHS), на страниците стави нови информации и додаде 9 нови симптоми за КОВИД-19, па сега се точно 12, а вклучени се и главоболка, болно грло и затнат нос. Додадени се и губење на здив, замор, болки во телото, губење на апетит, пролив и мачнина.
Оваа промена се совпадна со едно истражување кое предупреди дека болното грло, течење на нос и главоболката кои се јавуваат кај многумина и мислат дека се работи за обична настинка, всушност може да биде омикрон варијантата. Проф. Тим Спектор, автор на студијата ЗОЕ, критикуваше зошто здравствените власти не додаваат уште симптоми на листата на приоритети, по завршување на истражувањето. Стручњаците исто така веруваат дека симптомите слични на настинка почесто ќе се јавуваат кај оние лица кои се вакцинирани. Кристина Мериот, шеф на Одделот за јавно здравство наведува:
“Има се повеќе докази кои покажуваат дека оние кои примиле вакцина, имаат и поблаги симптоми, како што се главоболки, течење на носот, кивање, болки во грлото и губење на мирис. Важно е оние кои биле вакцинирани да останат свесни за симптомите на настинка и ковид и да се тестираат доколку се опкружени со луѓе во домаќинството или канцеларијата“.
Проф. Ајрин Петерсон, експерт за епидемиологија на Универзитетот во Лондон, додава дека течење на носот и главоболка може да бидат симптоми на многу инфекции, но тие можат да бидат и прв симптом на КОВИД. Ако се појават симптоми, направете тест. Таа наведува дека првиот тест може да биде негативен, но по неколку дена резултатот може да се промени.
Значи, ако се сомневате дека имате симптоми на болеста, повторете го тестот и изолирајте се на неколку дена, ако тестот е позитивен. Тестови може лесно да се набават, па нема причини за прескокнување на овој чекор, сметаат експертите.
Ова се неколку симптоми кои може да помогнат да откриете дали се работи за КОВИД-19 или за обична настинка.
ГЛАВОБОЛКА
Главоболката е нов симптом на КОВИД кој е на официјалната листа, се работи за еден од првите симптоми и се јавува почесто од попознатите како кашлица и температура. Истражување открило дека главоболките во таков случај можат да бидат благи или болни, а може да се појават на десната и левата страна, но поретко само на едно подрачје. Можат да траат и до 5 дена и да бидат отпорни на лекови против болки.
ТЕЧЕЊЕ НА НОС
Затнат нос или нос што тече е исто така нов симптом додаден на листата на постоечките. Станува збор за втор најчест симптом по главоболката, а се јавува кај околу 60 проценти од луѓето кои се позитивни на вирусот.
КИВАЊЕ
Не е признат како официјален симптом на КОВИД, но студијата ЗОЕ покажала дека кивањето почесто се јавува кај лицата кои имаат настинка или се алергични. Сепак, честото кивање може да биде симптом на КОВИД,
БОЛНО ГРЛО
NHS го додаде и овој симптом како еден од симптомите на КОВИД, па многу пациенти пријавиле и дека ги боли грлото. Се чини дека болното грло кај пациентите со КОВИД е со малку поблага форма и може да трае до 5 дена, па ако се работи за посилна болка, причината може да е нешто друго.
ГУБЕЊЕ НА МИРИС
Се чини дека ова и денес, сè уште е најголемиот показател за инфекција со КОВИД, без оглед на полот, возраста или сериозноста на симптомите. Иако губењето на ова сетило не мора да биде целосно, може да дојде до промени, така што некоја храна нема да има ниту вкус.
КАШЛИЦА ШТО НЕ ПОМИНУВА
Постојана и упорна кашлица што не поминува може да биде еден од симптомите на КОВИД, покажува ЗОЕ студијата, а само околу 10 лица кои ја имаат болеста ќе го искусат овој симптом. КОВИД обично може да предизвика сува кашлица, а ако се јави слуз, тогаш може да се работи за бактериска инфекција.
Во овој контекст, упорната кашлица значи дека се јавува често во текот на денот. Кашлицата обично се појавува неколку дена по инфекцијата и обично трае 5 дена.
