Медот е слатка вискозна супстанца која ја продуцираат пчелите. Тие го продуцираат медот од цветниот нектар и го складираат во восочна структура наречена саќе. Неговиот сладок вкус доаѓа од моносахаридите фруктоза и глукоза, а блажината му е приближно иста со онаа на сахарозата, па поради оваа особина често се користи како засладувач. Една од интересните карактеристики на медот е што повеќето микроорганизми не се способни да растат во него, затоа медот не се расипува, дури и во тек на илјадници години. Консумирањето мед има долга историја, која се протега илјадници години назад во минатото, но прашањето е како да знаете дали медот кој го купувате е природен?!
Еве на што треба да посветите внимание:
- Природниот мед не е леплив, а тоа ќе го проверите ако малку мед протриете низ прстите. Ако е природен, тој ќе се впие во кожата. Доколку масата со триење станува леплива, значи дека содржи шеќер или засладувачи.
- Неколку лажици мед ставете во сад и потоа загрејте го на висока температура. Вистинскиот мед ќе се карамелизира, додека лажниот ќе стане пенлив и преполн со меурчиња.
- Неколку капки мед на салфетка, исто така, може да ја откријат неговата чистота – доколку медот по некое време не ја пробива хартијата значи дека е чист.
- Ставете малку мед во близина на мравки, доколку е природен тие ќе го избегнуваат.
- Измешајте малку мед во вода ако падне на дното од чашата и се згрутчи значи дека е чист, лажниот ќе почне да се топи.
