Со оглед на фактот дека се работи за епидемија што може да предизвика паника меѓу луѓето, британски Експрес пишува за тоа како може да се препознае личност која е заразена со коронавирус. Вирусот за кој светот не престанува да зборува досега зафатил повеќе од 9 илјади луѓе откако излезе од рамките на Кина.
Се пренесува и на два метри оддалеченост, па како да знаеме дали некој во наша близина е заразен со коронавирус?
Првите знаци на инфекцијата вклучуваат респираторни симптоми – температура, кашлица, губење здив и отежнато дишење и чувство на малаксаност.
Многу луѓе во зимскиот период се заразуваат со некој вид вируси. Болеста обично трае кратко, а симптомите кои се карактеристични се: секрет во носот, главоболка, кашлица, болки во грлото, треска и лоша општа состојба. Коронавирусот некогаш може да доведе и до респираторни болести како што се воспаление на белите дробови или бронхитис.
– Компликациите се можни само кај лицата со ослабен имунитет, кај децата и постарата популација, наведуваат од Центарот за контрола и превенција на болести од Велика Британија.
Доколку имате некои од симптоми вашиот лекар ќе процени дали е потребно да се направат понатамошни анализи.
Доктор Џонас Нилсен наведува дека ладното време ја олеснува заразата затоа што ниската температура ја лади мембраната на носот која го олеснува влегувањето на вирусите во телото.
Коронавирусот нема да има вакви размери во текот на летото. Топлото време нема услови за овој вирус, вели д-р Нилсен.
Во зависност од тоа колку вирусот е застапен, кашлицата, кивањето, па дури и обичното ракување можат да бидат ризични. Вирусот, исто така, може да се пренесе и со допир на нешто што го допрела заразена личност, а потоа со допирање на устата, носот или очите. Најдобра и прва мерка на превенција како и кај секој вирус е честото и темелно миење на рацете и хигиената генерално!
