На светот постојат околу еден процент психопати, што значи ако имате стотици пријатели на Фејсбук, постои голема шанса меѓу нив да има и онакви кои покажуваат знаци на психопатија, пишува „Business Insider“.
Како да ги препознаете?
Постојат некои очигледни знаци на психопатија, како што се фактот дека таквите луѓе генерално не се загрижени за објавување на провокативни или „токсични“ содржини. Психопатите имаат нешто што може да се нарече „отпор на хаос“, што значи дека тие не бегаат од драма. Напротив, нив понекогаш ги храни фактот дека предизвикуваат стрес и непријатност кај другите.
Но постојат и некои посуптилни знаци. Според една студија во која учествувале 6.742 испитаници, која е објавена во магазинот „Computers in Human Behavior“, луѓето кои постигнуваат високи резултати на тестовите за психопатија, почесто пишуваат статуси за сопствените потреби и задоволства. Тие, исто така, пишуваат почесто и за актуелната власт и политиката.
Уште еден знак дека имате психопати меѓу вашите пријатели е тоа што тие често објавуваат кратки статуси со кратки реченици
За ова научниците имаат две објаснувања. Прво, психопатите се стремат кон теми поврзани со власт, моќ и контрола, а во исто време ги возбудува и фактот што таквите теми најчесто се соочуваат со дебата и „драма“ во коментарите.
Второто објаснување е дека тие се премногу изложени на политички материјал на социјалните мрежи, што кај нив предизвикува, односно ослободува психопатски тенденции. На пример, ако имате пријател кој постојано објавува статуси за „контроверзни“ теми, можно е дека тој воопшто и не се согласува со нив, но е возбуден од хаосот што го предизвикува со објавувањето.
Знак дека имате психопати меѓу вашите пријатели е и тоа што тие често објавуваат кратки статуси со кратки реченици. Една теорија вели дека тоа го прават за да можат да имаат поголема контрола врз тоа како другите ги гледаат, бидејќи со нив делат малку информации.
Уште една студија покажа дека мажите и жените кои покажуваат знаци на психопатија покажуваат повисоко ниво на тенденција кон самоконтрола, самопромоција, агресија и несигурност на Фејсбук.
