Чир на желудникот или пептичен улкус е ерозија на ткивата кои го обложуваат дигестивниот тракт, особено желудникот и горниот дел на тенкото црево. Чиревите вообчаено со предизвикани од бактериска инфекција, а претставуваат еден вид на одбрана од киселини кои се наоѓаат во желудникот. Чирот може целосно да пукне, да го пробие ѕидот на желудникот или тенкото црево што доведува до истекување на различна содржина во абдоменот.
Еден од првите симптоми и знаци на улкусот е интензивна и зачестена болка. Болката речиси моментално го достигнува својот максимум и трае. Обично се влошува при движење, допирање на стомакот, кашлање или кивање. Исто така може да се јави и потење и забрзана работа на срцето.
Во одделни случаи самата перфорација е прв симптом за чир и дотогаш лицата не чувствуваат никакви тегоби.
Сепак, неколку дена или недели пред самото пукање може да дојде до одредени промени кои упатуваат на тоа дека нешто се случува во организмот. Некои од симптомите може да бидат остра болка помеѓу градната коска и папокот кога стомакот е празен. Болката може да биде повремена, да доаѓа и да поминува и да се влоши во текот на ноќта.
Дека ќе дојде до пукање на чирот, може да се посомнева и според изгледот на столицата која може да биде темна и да наликува на талог од кафе, што укажува на тоа дека чирот крвари.
Иако симптомите на перфорација на чир на желудникот се многу јасни, многу често може да дојде до погрешна дијагноза што, според лекарите доведува до сериозни компликации и опасно загрозување на здравјето.
