Се прашувате ли кои се знаците за воспаление во телото – одговорот е едноставен. Болка во желудникот, болка во мускулите и замор штом ќе станете, потоа отежнато мокрење и иритација на очите, всушност сето ова се симптоми кои мачат многумина. Колку е поголем масниот појас околу половината или повисоко нивото на шеќер во крвта, толку е поголем ризикот од воспаленија, па така и од хронични болести.
Масни наслаги околу половината – еден од најчестите симптоми е видлив како сало на половината. Колку повеќе маснотија имате, толку е поголем ризикот од хронични воспаленија. Дотолку повеќе стручњаците за кардиоваскуларни болести појасот го сметаат за главно „легло“ на воспаленија кои доведуваат до бројни болести на крвните садови.
Покачен шеќер – на воспаление упатува и високото ниво на шеќер во крвта, кој го го зголемува бројот на воспалителни цитокини кои патуваат низ крвта. Тоа, од друга страна, го зголемува нивото на деструктивни молекули кои се нарекуваат „ејџ“ молекули и се поврзуваат со побрзото стареење на организмот. Нивниот развој го поттикнува вишокот на шеќер во исхраната, заради што слабее колагенот, па добиваме брчки и подочници. Тие молекули ја отежнуваат циркулацијата и доведуваат до задржување вода во телото, а се наоѓаат и во намирниците од животинско потекло. Со пржење или печење на намирниците на масло, како и со пастеризација, димење, јадење црвено месо, брза храна, транс масти и дополнителни засладувачи дополнително се зголемува нивниот број.
Проблеми со варењето – доколку ве мачат проблеми со варењето, гасови, пролив, надуеност или запек имајте на ум дека тие може да произлегуваат од воспаленото, претерано пропустливо црево кое им овозможува на отровите од организмот да влезат во крвотокот. Тоа е еден од најчестите и широко распространети воспалителни процеси во телото. Исто така, мачнината, киселините и болката во стомакот не мора да се резултат на лошата исхрана, стрес, лекови или грип, туку можат да укажуваат на некој воспалителен процес. Станува збор за гастритис – воспаление на слузницата на желудникот, која ако не се лекува може да стане мошне болна. Ако ги чувствувате споменатите промени, побарајте лекарска помош.
Болка во мускулите и зглобовите – нормална појава после тренинг или некоја потешка физичка активност, но ако трае подолго или се јавува без посебна причина и тоа може да биде знак за воспаление. Болките во мускулите, лигаментите и тетивите можат да упатуваат на воспаление на нервите или некоја ревматска болест, а зачестените болки во зглобовите можат да бидат показател за артритис – воспаление на зглобовите.
Замор – клетките зафатени во воспаление се болни и не можат да произведуваат енергија, која на човекот му е потребна за нормално да функционира. Како резултат на тоа се јавува чувство на тежок замор и исцрпеност уште од рано утро иако доволно сте спиеле.
Проблеми со мокрењето – чувството дека мора да мокрите иако тоа не ви успева или мокрите отежнато придружено со болка и притисок, се најчестите знаци за воспаление на бешиката. Овие симптоми се показател за сериозен воспалителен процес кои не би требало да ги игнорирате затоа што ако не се лекува воспалението на бешиката може да резултира со воспаление на бубрезите и да ги зафати и другите органи.
Акни, црвени дамки на кожата – многу доктори кои се бават со природни методи на лекување велат дека црвените дамки, акните и мозолчињата се само надворешен знак за внатрешниот оган, односно воспаление. И истражувањата ја потврдиле силната врска меѓу псоријазата и воспалителните состојби кои се манифестираат во организмот.
Иритација на окото – може да биде предизвикана од алергии, прашина, предолго седење пред компјутер или разни повреди. Симптомите како солзење, црвенило или печење на окото би требало да траат кратко и состојбата на окото не би смеело да се влошува. Но ако црвенилото станува се поизразено и го придружуваат оток и болки, тоа може да биде показател на воспаление. Најчесто воспаление на окото е конјунктивитисот.
