Многу е тешко да се најдат вистинските зборови кога некој близок ќе заболи од карцином. И во најдобра намера може да се кажат погрешни работи. Еве што и самите пациенти велат дека е најдобро да не им се зборува.
Факт е дека оваа дијагноза е исклучително тежок момент во животот на секој пациент. Тие полека стануваат свесни дека нивниот живот повеќе нема да изгледа како досега и дека ќе мораат да се борат со тешката болест. Не е им е лесно ниту ним ниту на најблиските, кои неретко не знаат како да комуницираат во овие слуачи. Но добрата поддршка од блиските може многу да значи и лекувањето да го направи полесно. Некои болни не сакаат да зборуваат за она низ што поминуваат, додека на други им е полесно додека зборуваат. Тешко е да се најдат вистинските зборови во тие моменти.
Фиона Холанд, професорска по психологија на британскиот Универзитет Дерби, направила студија како да се зборува со болните од рак, што да им се каже, а што да се одбегне. Разговарала со жени болни од рак на дојка кои одбиле реконструкција на дојката по мастектомија. Овие жени се доживеале и знаат дека некои зборови биле изговорени со најдобра намера, но сепак болеле.
- Не кажувајте им што вие би сториле да сте на нивно место – не може никој да знае што преживува секоја болна личност. Повеќе значи поддршката на нивните одлуки од се друго.
- Не станувајте преемотивни, па да се најдете во ситуација пациентот вас да ве теши – во ред е да се биде сочувствителен, но внимавајте тагата да не ве понесе, па да се распаднете пред пациентот.
- Не претпоставувајте дека треба да правите работи за нив – доволно е да се понудите.
- Не го „гуглајте“ нивниот рак и не зборувајте за можните исходи.
- Не претпоставувајте дека ќе го сменат целиот живот – дајте им на знаење дека сте тука за нив ако сакаат да зборуваат. Пружете им поддршка.
- Нивното враќање на работа не го сметајте за враќање на старо.
- Не претпоставувајте дека ја сакаат вашата помош – прашајте.
- Не бидете нивен доктор, веќе имаат свој лекар и онколог – понудете им помош, рамо за плачење, поддршка, но одбегнувајте да бидете лекар.
