Ако ненадејно почувствувате симптоми на настинка среде лето можно е да сте фатиле вирус, но како можете да знаете дека е тоа, а не сезонска алергија?
„Кивањето и носот кој тече се главни симптоми на настинка или алергија. Бидејќи алергиите и настинките имаат слични симптоми, луѓето често се прашуваат кој злосторник е вистинскиот виновник“, вели доктор Лакиа Рајт, стручњак за интерна медицина, алергија и имунологија и медицински директор во Thermo Fisher Scientific во Бостон.
Еве некои од симптомите на настинка кои, веројатно, нема да ги имате ако вашиот проблем е резултат на алергија.
Треска: И покрај терминот ’поленска треска’ не постои ваков симптом поврзан со алергијата.
Главоболка и болки во мускулите: Овие симптоми се мошне чести кај настинките, но ретки се кај алергиите.
Како тече носот: Сезонските алергии обично произведуваат бистри носни секреции; зелената или жолта слуз може да укажуваат на настинка или инфекција.
Кашлица: Алергиите обично создаваат сува кашлица. Тоа е директна реакција на нешто на што сте чувствителни во дишните патишта. Кашлицата заради настинка или грип обично е влажна заради слузта што телото се обидува да ја исфрли.
На крајот, сепак, најмногу ги разликува должината на симптомите. „Симптомите на настинка обично траат седум до десет дена. Симптомите на алергија може да траат и неколку недели, во зависност од сезоната и опкружувањето. Да биде работата уште полоша алергиите може да ве направат помалку отпорни на настинка. Совет, се препорачува консултација со лекар, а не лекување на своја рака.
