Тапата болка во пределот на слепоочниците, челото, може да биде последица на стрес, напнатост и лош вид. Но главата може да заболи и буквално без причина. Сите патат од главоболка. Млади, стари… Вртоглавици, зуење во ушите… Неподносливи главоболки кои на многумина можат да им го упропастат денот, а на некои и животот. За обична главоболка доволен е еден аналгетик или ладна крпа на челото, но ако работите станат сериозни, може ли да помогне природата?
За обична главоболка
Компир
Ова е еден од најстарите рецепти. Компирот исечете го на половина и со него тријте го делот околу слепоочниците и челото. Кога ќе се исуши, главоболката би требало да престане.
Кафе и лимон
Во филџан кафе исцедете еден лимон. Испијте го и чекајте болката да престане. Не би требало долго да чекате.
Масажа со масло од нане и лаванда
Маслото од една од овие две билки малку загрејте го и со него благо масирајте ја носната коска и пределот околу очите. Не би било лошо некој да ви ги измасира рамената, вратот и тилот, тоа би ја подобрило циркулацијата и би ја отстранило болката.
ЗА МИГРЕНА:
Лек од ѓумбир
Оваа билка има аналгетско дејство и брзо делува. Може да се користи на два начина – како чај или ако коренот едноставно го грицкате. Чајот се спрема така што 1/3 ѓумбир во прав се меша со чаша вода или сок и се пие повеќе пати на ден.
Рибино масло
Може да се користи за масажа или да се зема во форма на капсули. Дава одлични резултати.
Мраз
Легнете во тивка и затемнета просторија и на челото ставете колку е можно поладни облоги. На главата ставете капа или замотајте се со пешкир, марама…
Рецепт за мигрена кој речиси моментално ја отстранува болката
Две лажици хималајска сол измешајте со сок од два лимона. Во тоа додадете изрендана кора од лимон. Се убаво измешајте и додадете 2 децилитри вода. Добро измешајте и испијте одеднаш.
