Празничната сезона е дефинитивно омилено доба во годината. Носи бројни радости, вклучително и сите оние подароци, но и превкуси деликатеси на кои ретко кој им одолева. И додека првите денови во годината поминуваат во знак на уживање во сите благодати на празничната трпеза, во исто време се пали и алармот во нашиот организам кој вели дека е време за еден детокс, за полесно да се преживее гозбата. Затоа накратко тргнете ги прстите од кутиите со колачи и направете лесен празничен детокс на телото и умот.
Ако сте среќници кои имаат неколку слободни дена, релаксирајте се колку можете и наполнете ги батериите. Шетајте, планинарете, дружете се со децата, спијте колку што од вас бара организмот, а во меѓувреме пригответе и по некој здрав оброк кој ќе ве врати во нормала.
Можете и да загубите некој килограм. Јадете кога сте гладни, а телото прочистете го со растителни чаеви кои го забрзуваат метаболизмот, како зелен чај и маточина, или смути од свежо овошје и зеленчук со додаток на мед.
Ќе ве прочисти и супа, која може да биде и комплетен оброк заради влакната од зеленчукот. Дури и мала порција бистра супа пред ручекот може да ви помогне побрзо да се заситите, па за ручек ќе јадете помалку и поквалитетно.
Бомба. Измешајте лимон, рака магдонос, лажица ѓумбир, лажица јаболков оцет и лажица цимет во прав, а потоа и половина литар вода. Пијте пред спиење.
