Важно е кога ќе ги почувствувате првите симптоми на настинка да не чекате за да видите колку силно ќе ве фати, затоа што ако почнете навреме да се борите со настинката можеби ќе успеете да се ослободите од неа пред да стане сериозно.
Постојат неколку трикови кои би можеле да го „пресечат“ почетокот на настинката и да ги ублажат понатамошните симптоми.
Врел туш
Врелата вода може да помогне во ослободувањето на секретот од носот и ослободувањето на напнатоста која ја чувствуваме во синусите.
Витамин Ц
Обидeте се наутро да почнете со салата од киви и портокали. Одбегнувајте кафе и чаj затоа што заради кофеинот може да дехидрирате, место тоа напијте се чаша сок од портокали.
Инхалирање
Знаеме колку помага кај децата кога ќе настинат, а делотворна е и кај возрасните. Инхалирајте се со обичен физиолошки раствор и некое етерично масло.
Останете дома и затоплете се
Во домашни услови инфекцијата нема да се шири понатаму. Ако баш морате да излезете, ставете шал преку устата и носот.
Домашна пилешка супа
Нема ништо подобро од домашна супа со пилешки гради, кромид и зеленечук. Исто така, е важно да внесувате што е можно повеќе течност, најдобро топол чај.
Бразилско оревче
Неколку бразлиски оревчиња ќе направат чудо за вашиот имунитет. Содржат селен кој е круцијален за добар имунитет и во борбата против вирусите.
Зачини
Лутите зачини како што се чили и кари го олеснуваат ослободувањето на секретот од носот во надворешната средина, па тоа може да направи за момент да се чувствувате подобро.
Лекови
Навечер најдобро е да земете комбинација на парацетамол и бруфен, ако се чувствувате скршено. Така ќе се ослободите од главоболката, температурата и болките во мускулите и ќе спиете подобро.
