Традиционалната медицина голема важност му придава на здравјето на дигестивниот тракт, а има и се повеќе официјални научни истражувања кои укажуваат на значењето на урамнотежената исхрана и одржувањето на нормалната цревна флора за севкупното здравје.
Според Ајурведата, традиционално лекување со потекло од Индија, она што го јадеме и пиеме може да го храни и зајакнува нашиот дигестивен тракт или, пак, неповолно да влијае на варењето.
Пржената храна, месните преработки и многу ладната храна, доведуваат до несварени остатоци од храната во организмот кои создаваат токсини и притоа предизвикуваат болести. За да ја спречиме оваа појава треба да се придржуваме до некои основни начела:
– Најпро, треба да се јаде само кога навистина сме гладни. Меѓу оброците, исто така, треба да поминат барем три часа за претходниот оброк да успее подобро да се свари.
– Кога станува збор за изборот на храната, треба да се одбегнува масна и пржена храна, но и ледено ладни јадења и пијалаци. Осбегнувајте во рамки на ист оброк да комбинирате врела и мошне ладна храна или пијалаци.
– Во текот на приготвувањето на јадењата користете зачини како што се коријандер, куркума, кумин (индиски ким), ѓумбир или анасон, а би било добро еднаш дневно да се испие и шолја чај од ѓумбир или кумин.
